Белорусија ќе и подари на Србија два ракетни систем за противвоздушна одбрана тип „Бук“ и осум ловци „МиГ-29“, а Србија ќе треба да го подмири нивниот ремонт и модернизација, изјави за весниот „Политика“ српскиот министер за одбрана Зоран Ѓорѓевиќ.
– Со овие системи и ловци, што ќе бидат доставени следната година и авионите што беа подарени од страна на Русија, српскиот систем за противвоздушна одбрана значително ќе се модернизира, изјави Ѓорѓевиќ по враќањето од Минск, каде беше на посета заедно со српскиот премиер Алексадар Вучиќ.
Српскиот министер за одбрана истакна дека има и други можности за воена соработка со Белорусија, вклучително и создавање на заеднички компании во областа на одбранбената индустрија, со цел трговија со трети земји како Русија и земјите од ЕУ.