Поради посетата на рускиот претседател, Владимир Путин на Белград, граѓаните кои живеат во зградите покрај автопатот добиле забрана од Министерството за внатрешни работи на Србија, да не излегуваат на своите балкони и прозорци.
Како што пренесуваат српските медиуми, жителите на Булевар Арсеније Чарнојевиќ се информирани дека на 16-ти овој месец, поради безбедност на Путин, не смеат да ги креваат ролетните од прозорците, но и да изгледуваат на балконите.
Инаку и во текот на претходни посети на високи државни личности биле применувани ригорозни мерки за безбедност. За време на престојот на американската државна секретарка Хилари Клинтон и американскиот потпретседател Џозеф Бајден, на сила биле мерки за безбедност од прв степен.
Медиумите пренесуваа дека за безбдноста на Бајден се грижеле повеќе од 300 американски агенти и повеќе од 2.000 српски полицајци, а еден ден пред посетата специјалци ги „прочешлале“ балконите, таваните и подрумските простории во зградите покрај каде што требало да се движи.
Е. Г.