Министерството за внатрешни работи на Србија вчера го забрани одржувањето на Парадата на гордоста во Белград, а како причина се наведоа безбедносните ризици. Една од наводните безбедносни причини е и заканата на жител на Белград, кој имал намера со опасен експлозив на Парадата на гордоста да се крене во воздух и себе и својата ќерка лезбијка.
„Тој во телефонски разговор кажа дека ќерка ми е лезбијка и дека на Парадата ќе дојде со опасен експлозив. Ќе ја гушнам ќерка ми и ќе ги решам сите мои проблеми“, рекол тој и ја прекинал врската, информираат во полицијата кои веќе трагаат по заканувачот кој се јавил од говорница во Нови Сад.
За сабота во Белград се забранети секакви собири.