Бугарскиот министер за одбрана Ангел Најденов изјави на прес конференција дека воените авиони на државата немаат дозвола за летање бидејќи поранешната власт не извршила потребни сервиси.
Најденов додаде дека само за модернизација на воените авиони МИГ-29 неопходни се 75 милиони евра.
– Владата на поранешниот премиер Бојко Борисов ни остави тежок мираз…Техничкиот век на тие авиони истекува во 2029 година и за нивни технички сервис до тој период неопходни се 250 милиони евра, изјави Најденов.
Според него, поради севкупната економска ситуација неможно е да се размислува за купување нови воени авиони, а поранешната власт ја обвини за големи неуспешни проекти и занемарување на основните јавни потреби.