Активисти на десничарско антиисламистичко движење денеска одржаа едночасовен протест пред Бранденбуршката порта во Берлин.
Демонстрантите побараа безбедност на германските граници. Полицијата соопшти дека 15 лица биле накратко приведени поради протестот и веројатно ќе добијат кривични пријави поради заплашување и кршење на законот за собир на јавно место.
Портпаролката на берлинската полиција, Патриција Бремер, изјави дека собирот бил организиран од Идентитетското движење.
Германската разузнавачка служба на почетокот од месецов почна да го надгледува ова екстремно десничарско движење, бидејќи претпоставува дека негова цел е поткопување на демократијата.