Поголемиот број Словенци сметаат дека премиерот Јанез Јанша и љубљанскиот градоначалник Зоран Јанковиќ мораат да поднесат оставка од политичките функции, додека една третина бараат предвремени избори, покажуваат резултатите од анкетата на „Дело“.
Дека Јанковиќ треба да се повлече од политиката оценуваат 89 проценти од испитаниците, а 86 отсто изјавиле дека истото треба да го направи и премиерот Јанша.
За предвремени избори се изјасниле 33 проценти од испитаниците, а за останување на сегашната коалиција со нов претседател на Владата – 29, додека за техничка влада биле 20 отсто од 500 анкетирани граѓани.
Словенечката антикорупциска комисија пред две недели објави извештај според кој Јанша и Јанковиќ имаат имот за кој не можат да го докажат потеклото.