Над 60 отсто Германци се убедени дека Грција треба да ја напушти еврозоната ако не ги почитува условите од меѓународната програма за економски спас, покажуваат резултатите од анкетата на државната телевизија А-Ер-Де, јави ДПА.
Шеесет и еден отсто анкетирани Германци сметаат дека ако Грција не успее да ги исполни строгите буџетски барања на меѓународните кредитори таа треба да биде исклучена од еврозоната.
Од анкетираните, 53 проценти се со став дека веќе не стравуваат оти Грција ќе го напушти монетарниот сојуз.
Резултатите од анкетата покажуваат дека 68 отсто Германци се спротиставуваат на преструктуирање на долгот, а 28 отсто одобруваат таква мерка.