Анкара и Вашингтон ќе ги активираат напорите за да ги прогонат џихадистите од групата Исламска држава од реонот во Северна Сирија во близина на границата со Турција, изјави денеска турскиот министер за надворешни работи Феридун Синирлиоглу.
– Ние имаме некои планови, за да ставиме крај на контролата, што ја има ДАЕШ (арапски акроним на Исламска држава), врз зона на нашата граница, рече тој.
– Кога тие планови ќе бидат готови, нашите операции ќе продолжат со се поголем интензитет, истакна Синирлиоглу.
– Ние нема да дозволиме ДАЕШ да го задржи присуството на нашата граница, вие ќе видите во наредните денови, истакна шефот на турската дипломатија.