Анкара го игнорира објавувањето на исламски калифат од групата Исламска држава во Ирак и Левантот (ИДИЛ), соопшти турското МНР.
ИДИЛ е терористичка организација и Анкара не придава значење на тоа на каков начин се карактеризира „една терористичка организација“, наведува претставник на Министерството.
Џихадистите од ИДИЛ, кои учествуваат во борби во Сирија и Ирак, објавија воспоставување на исламски калифат и истакнаа дека групата веќе се нарекува „Исламска држава“.
Турскиот министер за надворешни работи Ахмет Давутоглу вчера телефонски разговараше на таа тема со претседателот на Парламентот Усама Абдел Азис ал Наџафи.