Амбасадата на САД во Србија ги предупреди своите граѓани да ги избегнуваат областите во Белград каде што денес се закажани протести и собири и издаде препорачани мерки.
– Доколку се најдете во близина на собир или насилна ситуација, веднаш напуштете ја областа. Доколку не сте во можност да заминете, пронајдете безбедно место за засолниште – соопшти амбасадата на САД во безбедносно предупредување објавено на својата веб-страница.
Покрај избегнувањето на областа, амбасадата на САД им препорачува и на своите граѓани да ги следат локалните медиуми, да останат во затворен простор, да обезбедат доволно залихи од храна и вода и да направат планови за евакуација или засолништа доколку евакуацијата не е можна.