Албанските власти запленија 48 тони цигари откриени во трговски брод кој пловел под знамето на Танзанија, за кои немало потребна документација, јави дописникот на МИА од Тирана.
Бродот „ЕРА 1“ со седумчлен украински екипаж испловил од Грција, а требало да плови кон пристаништето Бар во Црна Гора.
Во средата, поради невремето, од бродот било побарано да се засолни во пристанишниот град Валона, се до смирување на морето, но вчера испловил без да ја информира капетанијата, кршејќи ги меѓународните поморски правила, според кои бродот е обврзан да информира или да побара дозвола од поморските власти на пристаништето за секое негово движење. Тоа била причината албанските власти да се посомневаат околу товарот на бродот, по што брод на албанската крајбрежна партола го вратила нативарениот брод до пристаништето Драч.
Од царинската управа на Албанија потврдија дека вредноста на запленетата количина на цигари изнесува 10 милиони евра.