Преговорите за повторно обединување на Кипар би можеле да продолжат по седми април, ако кипарскиот Парламент реши да ја коригира одлуката за задолжително обележување во училиштата на годишнината од референдумот во јануари 1950 година, кога кипарските Грци се одлучија за обединување со Грција, изјави лидерот на кипарските Турци, Мустафа Акинџи.
Тој наведе и дека на средбата на втори април со специјалниот претставник на Обединети нации за Кипар, Еспен Барт Ајде во Никозија, на која ќе учествува и кипарскиот претседатал Никос Анастасиадис, ќе побара да биде определена патна карта со следните чекори за решавање на кипарскиот проблем.
Акинџи по средбата со британскиот претставник Џонатан Ален истакна дека е погрешен впечатокот дека преговорите се водат единствено во насока за прифаќање на мерки за зголемување на довербата меѓу двете етнички заедници.
Тој побара и ОН да ги засилат дипломатијата без истата да се претвори во арбитража.
Преговорите за обединување на Кипар беа прекинати откако Акинџи се повлече во знак на протест откако кипарскиот Парламент одлучи годишнината од референдумот од 1950 година да се одбележува во училиштата.