Денеска се навршуваат 30 години од смртта на доајенот на босанската книжевност, Меша Селимовиќ. Тој беше погребан на 11-ти Јули 1982 година во Алејата на заслужни граѓани во Белград.
Меша Селимовиќ е роден на 26 – ти април 1910 година во Тузла.
Од завршувањето на Филозофскиот факлутет во Белград до почетокот на Втората светска војна живеел и работел во родниот град. Потоа бил член на народоослободителното движење, а по завршувањето на војната, работел како професор на Високата педагошка академија во Сараево и се посветил на театарот, книжевноста и издаваштвото. Поради политичките несогласувања бил приморан да ја напушти Босна и заминал да живее во Белград.
Негово најпознато дело е романот „Дервишот и смртта“ за кое ги освоил сите домашни награди, а потоа следат романите „Тишина“, „Тврдина“, „Магла и месечина“, „Круг“, како и збирките раскази „Првата чета“ и „Туѓа земја“.