На воениот аеродром во близина на Куманово на денешен ден пред 13 години потпишан е Кумановскиот договор. Со него се стави крај на бомбардирањето на НАТО врз СР Југославија кое започна на 24 март 1999 година.
Преставници на војската на Југославија и на ОН го потпишаа Воено-техничкиот договор на 9 јуни 1999 г. Југословенската војска имаше рок од 11 дена да ги повлече своите војници и полицијата од Косово.
Потписници на договорот беа генералот на војската на Југославија, Светозар Марјановиќ, полицискиот генерал Обрад Стевановиќ и британскиот генерал Мајк Џексон.
Во договорот беа дефинирани Зоната на воздушна безбедност, како зона од 25 километри од административната линија на Косово кон внатрешноста на СРЈ и Зоната на копнена безбедност, како појас широк пет километри, кон внатрешноста на Југославија.
Наредниот ден прекина бомбардирањети на НАТО врз СРЈ и се усвои резолуцијата 1244 на Советот за безбедност на ОН.
Војската и полицијата ја заменија припадници на КФОР.
Животот, според неофицијални податоци, во бомбардирањето на НАТО го загубија над 3.500 лица. Повредени се над 10.000, а штетата од разорувањето е проценета на 100 милијарди долари.