Физичките карактеристики на претходниот сексуален партнер на жената можат да се пренесат на нејзините деца, кои понатаму ќе ги зачне со друг партнер, покажуваат резултатите од неодамна спроведеното научно истражување, пишува весникот „Гардијан“.
Дали се сеќавате на оние преубави моменти кога сите членови на вашето семејство доаѓаат првпат да го видат вашето новороденче, при што го набљудуваат со восхит.
Ги милуваат неговите обравчиња и прстиња и се прашуваат: „Дали е тоа носот на дедо Марко?“, „Дали ги наследи очите на татко му?“, а често се наоѓа и некоја пријателка која во доверба ќе ве праша: „Зарем детето не личи на оној твојот поранешен?“.
Иако ваквите коментари поголемиот број на мајки ги сметаат за духовити, особено доколку врската за која станува збор е завршена неколку години претходно, најновите научни податоци укажуваат на тоа дека возможно детето да ги поприми физичките особини на поранешниот сексуален партнер.
Имено, научниците од Универзитет во Јужен Велс спроведоа истражување врз винските мушучки, кое укажува токму на тоа.
Во текот на истражувањето е откриено дека „детето“ на винската мушичка по раѓањето обично има идентична димензија со поранешниот прв сексуален партнер на мајката. Се претпоставува дека незрелите јајце клетки на женката со винската мушичка може да ги апсорбираат молекулните семени течности на првиот мајчин партнер, што воедно е и единствен можен одговор на прашањето како тоа е возможно.