Зборот „youthquake“, кој што претставува комбинација од зборовите „млад“ и „земјотрес“ или „младотрес“ беше избран за збор на годината од страна на речниот на англиски јазик Оксфорд.
Зборот потекнува од 60-тите години од минатиот век, а се користи за да се опише активизам кај младите граѓани и гласачи. Зборот досега ретко се употребувал, но во текот на 2017 година неговата употреба се зголемила петкратно, што било причина за да биде прогласен за збор на годината.
Зголемувањето на употребата на овој збор се врзува со парламентарните избори во Велика Британија, каде што младите гласачи ѝ помогнаа на Лабуристичката партија да го ублажи изборниот пораз.
Минатата година за збор на годината беше избран изразот „пост-вистина“, со кој што се означува времето во кое не може да им се верува на медиумските пишувања.