На почетокот на јуни годинава, еден пар од Берлин доживеа кражба – нивното плишано мече беше украдено. Сепак, ова мече има голема сентиментална вредност за нив, па затоа решија да ја зголемат наградата за неговото враќање на неверојатни 5.000 евра.
Откако мечето исчезна од ресторанот „Ајнштајн“ во берлински кварт, Маркус Ерленбауер од Билефелд продолжува со потрагата по него.
Бидејќи сè уште нема трага од плишената играчка, наградата сега е зголемена за лицето што ќе ја пронајде.
Мечето има посебна емоционална вредност за сопственикот, бидејќи беше последниот подарок од неговата почината мајка.
„Тоа беше последниот подарок од мојата мајка, која трагично почина“ – рече Ерленбауер.
Претходно беше понудена награда од 1.000 евра, но сега таа е зголемена на 5.000 евра.
Исто така, сопственикот нагласи дека нема да се јави во полиција, ниту да поднесе пријава ако мечето му биде вратено во замена за наградата.