Брајан Морзман од Њујорк за само осум дена победи на три маратони, но неговата цел не била остварување на своите спортски амбиции, туку да прибере средства за лекување на неговиот син.
Синот на 29-годишниот Морзман боледува од спина бифида, болест која најчесто предизвикува трајно телесно оштетување.
Брајан и неговата сопруга Сара минатата пролет дознале дека нивниот тогаш се уште не роден син боледува од спина бифида и доколку навреме не се почне со лекување, болеста може да предизвика трајно оштетување на мозокот.
Малиот Леим, кој е роден на 20 јуни минатата година, речиси девет месеци оди на терапии три пати во неделата и лекарите се уште не знаат дали ќе може да се движи.
Парите што ги заработи на маратоните, во вкупен износ од 5.750 долари, Брајан ќе ги исористи за покривање на трошоците за лекување на малиот Леим, но бидејќи таа сума не е доволна, тој и неговата сопруга покренаа т.н. GoFundMe кампања за прибирање на уште 5.000 долари.