Во Велес се одржа манифестацијата „Сладоледијада 2014“

Од:

Во организација на Здружението на жени за мултикултурна активност „Креација 2009“, спонзорирано од Фирмата за слодолед „Милина“ од Прилеп  и со подршка на општина Велес денеска на градскиот базен „Снупи“ во Велес се одржа осмата по ред „Сладоледијада 2014“.

На манифестацијата за креации од сладолед учествуваа шест жени заедно со своите помошнички, а ревијално и ученици од ООУ „Јордан Х.К.-Џинот“ и ООУ „Блаже Конески“.

Жири комисијата одлучи првото место да и припадне на Билјана Деловска за креацијата ергенска вечер на која со сладолед беше прикажана женска штикла, второто место за замок од сладолед и припадна на Валентина Китановска Мирова,а третото место за овошна салата со сладолед на Грозданка Павлова, сите од Велес.

Како што ни изјави за МИА Рајна Стојанова претседател на Здружението, целта на манифестацијата е да се популаризира сладоледот како летен десерт:

– Целта на манифестацијата е да дојде до израз креацијата на жените при послужување на десертите со сладолед и воедно да се дружат, како ифирмите производувачи на сладолед да ги промовираат своите производи, рече Стојанова.

Таа посочи дека трите ппласирани добија награди и сладолед, а првонаградената освен 6 литри сладолед доби и одмор на Златибор.

– Тоа е потик догодина на манифестацијата  да ни се приклучат што повеќе жени и девојки од градот, потенцира Стојанова.

Присутните на Сладоледијадата 2014  ги забавуваше популарната  велешката група Тринити Бенд.

Би можело да ве интересира

Судијка и сопственици на аптеки од Велес обвинети за фалсификување

Катерина Ѓуровски

Сообраќајка во Велес, еден сопатник е полесно повреден

Огништа од БРАКО за вечерните забави на Винтерфест во Велес

Изгаснат пожар на ридот во близина на Филтер станицата за вода во Велес

Катерина Ѓуровски

Мртов маж е пронајден во возило од градскиот превоз во Велес

Тројца велешани нападнале екипа на ЕВН

Горан Наумовски