Деца од повеќе европски земји ќе учествуваат на Меѓународниот музички детски фестивал „Ѕвездички“ што на 7 и 8 октомври по 17-ти пат ќе се одржи во Прилеп.
– Оваа година е 17-та по ред и имаме покането 17 учесници кои што ќе ни донесат 17 нови детски хитови. Се надеваме дека публиката ќе успеее да го препознае најдобриот хит и дека ќе победи најдобрата детска песна, изјави Марјан Катароски, организатор на фестивалот.
Основна цел на фестивалот е да создаде пријателски врски помеѓу децата од различни етнички и верски средини и да ги стави во пракса принципите за заедничко живеење, меѓусебна толеранција и разбирање, како и надминување на културните разлики помеѓу децата од целиот свет.