Глобалната Фондација за истражување на ракот (The World Cancer Research Fund – VCRF) го заврши својот детален преглед на повеќе од 7.000 клинички студии кои се занимаваат со поврзувањето на малигни заболувања и исхраната.
Во заклучокот се наведдува дека луѓето, доколку сакаат да го намалат ризикот од добивање на рак, би требало целосно од исхраната да исфрлат низа производи од месо, особено производи како што се салами, паштети, виршли и слични на нив, особено оние кои се направени на основа на црвено месо.
Посебно опасен е натриум нитритот, супстанца која повеќето производители ја користат со цел да ја постигнат соодветната боја на своите производи. За жал, натриум нитритот, според студијата, е заслужен за создавањето на нитрозамини, кои се погодни за развој на канцерогени клетки во човековото тело.