Со цел да ја подржи борбата на српското Движење за легализација на канабис за медицински цели, во Белград на кратко престојувал Рик Симпсон од Канада.
Тој е еден од најголемите борци на светот за легализација на марихуаната во медицински цели, односно човекот со кој со масло од канабис излекувал повеќе од 5.000 лица, меѓу кои и себе си откако пред 12 години му бил дијагностициран најтежок облик на карцином на кожата.
– Мислам дека е извршен неопходниот притисок на владата на Србија, како и на властие во регионот да го остварат она што го посакувавме и легализацијата на марихуана за медицински цели да заживее на пролет. Сега ни преостанува потешкиот дел од борбата во кој мора да се избориме за продажба на марихуаната, која би ја имало во државните аптеки, но и за слободно одгледување на ова растение, на чие благотворно дејство сите имаме природно право- вели Рик и додава дека секојдневно се соочува со стотина барања на тешко болни лица, кои го молат да ги излекува со масло од канабис.
Според наводите на српски „Телеграф“, тој на сите кои ќе побараат помош од него им го испраќа линкот од неговиот сајт на кој е објавен рецептот за подготвување на чудотворното масло од канабис, кое како што вели Рик воопшто не се разликува од маслото кое што тој го подготвува.
Меѓу најчестите грешки кои што ги прават заболените, Рик го вбројува истовременото користење на маслото од канабис и употребата на лекови, кои што ги препорачуваат оноколозите.
-Луѓето едноставно не сфаќаат дека алтернативното лекување со канабис никако не смее да оди во комбинација со хемотерапијата. Друга најголема грешка е употреба на лажни масла од канабис – нагласува тој.
Меѓу илјадниците неверојатни приказни за луѓето кои Симпсон ги излекувал е и приказната за 80-годишен старец, кој боледувал од карцином на белите дробови.
-Човекот имаше отоци од хемотерапија, со отворени рани на нозете и не можеше да диши. По прогнозата на лекарите дека ќе живее уште 48 часа, син му го донесе кај мене и му дадов од маслото. За само половина час, човекот започна нормало да диши и во тек на ноќта состојбата се стабилизира-раскажува Рик.
За потсетување тој започнал да одгледува марихуана во оној момент кога му била потребна како суровина за лекот. Полицијата неколку пати вршела упад на неговиот имот, бил затворан, а платил и казна од 2.000 долари бидејќи бил обвинет за одгледување, поседување и продажба на марихуана.
Инаку претставникот на движењето за легализација на канабис за медициснки цели во Србија Антоније Ковачевиќ изјави дека директорот на болницата „Свети Сава“, Милан Савиќ до Министерството за здравство ќе предаде официјално барање за легализација на марихуаната.
Е. Г.