Армијата на САД секоја година организира сурова обука за преживување наречена „Златна кобра“. Оваа обука е најголема од ваков тип во светот, а војниците покрај редовните воени вежби учат и некои специфични методи за преживување.
Инструкторите ги учат како да фатат кобра, да ѝ ја отсечат главата и да ја испијат нејзината крв директно од телото.
„Златна кобра“ прв пат е одржана во 1982 година како воен тренинг за подобрување на кооринацијата помеѓу вооружените сили на САД и Тајланд.
Оваа вежба имала за цел да ги зајакне врските меѓу САД и Тајланд. Манифестацијата сепак се проширила на 35 земји, вклучувајќи ги и Индонезија, Јапонија, Малезија, Сингапур, Јужна Кореја и останати земји од Азија.
Во 2015 година за прв пат учествуваше и Кина, но на кинеските војници им беше дозволено да учествуаат само во оние аспекти кои се однесуваа на нудењето хуманитарна помош.
Вежбите на теренот вклучуваат и различни врсти на обуки за користење оружје, додека хуманитарните акции подразбираат давање помош, евакуации и слично.