Во Сараево и низ многу градови на Босна и Херцеговина поладнево се одржаа собири за простување со легендата на народната музика Халид Бешлиќ кој почина во вторникот. Најмасовен беше собирот во Сараево каде илајдници луѓе излегоа и со неговите песни му оддадоа последна почит. На настанот зборуваше неговиот син и познати личности од Босна.
Собири за последен поздрав со Бешлиќ имаше и во градови во Хрватска и во Србија, Црна Гора и во Словенија.
Со босански знамиња и со песни од Халид помина настанот во Париз. Собири имаше и во неколку граодови низ Германија каде имаше присутни од сите балкански земји.
Бешлиќ беше хоспитализиран кон крајот на август во Клиничкиот центар на Универзитетот во Сараево.
Роден е на 20 ноември 1953 година во Кнежина кај Соколац и остави неизбришлив белег на музичката сцена на поранешна Југославија и пошироко.