Поп дуото наречено „Творчи“ ќе ја претставува Украина на Изборот за песна на Евровизија 2023 година, а тие го снимија и својот настап за споменатиот натпревар.
Имено, настапот се емитуваше од засолниште во Киев, а метро станицата во главниот град на Украина, која со месеци се користи како засолниште, сега е претворена во ТВ студио.
За време на настапот, танчерите носеа гас-маски додека на екраните се појавија знаци за нуклеарно предупредување:
– Не плашете се да го кажете тоа што го мислите, се слушаат стиховите во позадина.
„Heart of Steel“ е првата песна официјално потврдена за натпреварувањето.
Откриено е и зошто е донесена одлука да се снима од засолништето.
– Ова нè увери дека самото шоу може да се одвива без прекин бидејќи без разлика дали имаме предупредувања за воздушен напад, работата може да продолжи, изјави за Би-Би-Си Оксана Скибинска, шеф на делегацијата на Евровизија.
Големото финале на Евровизија 2023 ќе се одржи на 13 мај 2023 година, а иако на овогодинешниот натпревар победи украинската група Калушки, поради војната, следната Евровизија ќе се организира во Ливерпул. На наведениот натпревар учествуваат вкупно 37 земји.