(ВИДЕО) Тамара Тодевска и Стефан Лазаров со песна за сите блиски кои повеќе не се со нас

Од:

„Патишта“ е новиот музички проект на Стефан Лазаров и Тамара Тодевска. Музиката на песната ја работеа Лазаров, Васил Ангелов и Слаткаристика (кој е автор и на тестот на песната).

Станува збор за една поинаква музичка приказна во спомен на сите наши блиски кои прерано не напуштиле и повеќе не се со нас.

„Патишта“ ќе Ве наврати на сите заеднички моменти и спомени кои сте ги имале со овие луѓе, но и ќе Ви го врати мотивот да направите нешто во спомен на истите.

За песната се сними и видео спот, кој е во режија на Владислав Гавриловски и истиот се снимаше на неколку локации во Скопје и околината.

Во спотот се појавуваат и илустрации на новинарот Зоран Василевски – Фаци и на нашиот пејач Влатко Илиевски, кои беа добри пријатели и соработници на Лазаров и Тамара Тодевска. Илустрациите за оваа намена беа креирани од Стефан Николовски.

„Патишта“ е за сите наши драги луѓе кои повеќе не се со нас, но секојдневно се во нашите мисли и срца. Во текот на снимањето на спотот навистина почувствував длабока емоција, ми се појавија многу слики од моето другарување со Влатче низ годините, многу моменти и спомени кои остануваат вечно. Добро е што преку уметноста, преку музиката можеме да се потсетиме на овие луѓе, да оддадеме почит, а притоа да направиме нешто вредно и трајно – музичко дело кое останува и за новите генерации. Слушнете ја „Патишта“ и потсетете се на луѓето кои Ви недостасуваат“, посочува Тамара Тодевска.

Лазаров ја истакна својата благодарност за фактот што Тамара ја прифати соработката и што заедно работеа на оваа песна.

„Среќен сум што Тамара се согласи на овој дует, имајќи предвид дека е еден од најдобрите артисти во Македонија и навистина сум горд и задоволен со финалниот продукт. Ова беше едно целосно ново искуство за мене, но навистина уживав во целиот процес на создавањето на „Патишта“. Првичните коментари се навистина позитивни и во името на целиот тим кој работеше на овој проект, сакам да ја истакнам благодарноста“ – истакнува Лазаров.

Би можело да ве интересира

Судењето против Латас и Лазаров одложено за 19 јуни

ВИДЕО: Латас и Лазаров пред судија – се одложи судењето за сексот во фиќо

А1он

(ВИДЕО) Тамара Тодевска ја објави својата нова песна „Нијагара“

Горан Наумовски

Судот донесе решение: Латас остана без пасош, а нему и на Лазаров им е ограничен јавниот настап

А1он

Освен обинение, ОЈО бара на Латас да му се одземе пасошот, а тој и Лазаров не смеат да имаат јавни настапи

Горан Наумовски

Платформата за родова еднаквост: Ги прашуваме Латас и Лазаров дали да силуваш и да се фалиш со тоа е вредноста која ја промовираат

Катерина Ѓуровски