На свеченото отворање на овогодинешното евровизиско издание во Торино, Италија сите 40 натпреварувачи и нивните делегации, претставници на ЕБУ и РАИ беа пречекани на тиркизниот тепих. Уметниците наместо на црвениот прошетаа по тиркизниот тепих, оти организаторите сметале дека тиркизот повеќе му одговара на градот домаќин, Торино.
Македонската Андреа Коевска дојде облечена во веќе препознатливиот стил, овој пат со кожени ракавици.
Водителот и посака ѝ добредојде на македонски јазик: „Добредојдовте на Евровизија“.
На свеченото отворање, градоначалникот на Торино, Стефано Ло Русо и претставници на РАИ, ЕБУ, градот Торино, официјално ги пречекаа земјите учеснички на Евровизија 2022 година, делегациите и уметниците во Торино.