Кога еден маж во Рочестер, Њујорк, одлучил да провали во куќата на 82-годишната старица, Вили Марфи, не знаел дека идејата ќе му се одбие од главата, но буквално.
Во изјава за странските медиуми, Марфи објасни како се случило сè. Таа рече дека се подготвувала да спие кога некој почнал да тропа на нејзината влезна врата, молејќи да повика брза помош, пренесува Си-Ен-Ен.
Таа рече дека повикала полиција и не го пуштила мажот во куќата, но тој се налутил и ја разбил вратата.
„Тој избра погрешна куќа. Темно е, јас сум сама и стара. Но, погодете што, сè уште сум силна“, рече Марфи, покажувајќи ги своите мускули.
“I’m alone and I’m old, but guess what? I’m tough.”
Willie Murphy is 82. She's a powerlifter. When a 28-yr-old man tried to break into her house – she says she took him DOWN. pic.twitter.com/MFXyrG1um0
— Seth Palmer (@sethpalmer3) November 22, 2019
Марфи е наградувана бодибилдерка која во деветата деценија од животот, секој ден вежба во локална теретана. Како што изјави, користела неколку предмети за домаќинството за да го нападне 28-годишниот натрапник.
Таа вели дека ја скршила масата од него, а потоа продолжила да го удира со металните ногарки на масата. Откако неколку пати скокала врз него, таа истрчала во кујната, земала шише шампон за бебиња и го испрскала мажот во лицето додека се обидувал да стане.
На крајот Марфи го истепала крадецот со метла. Набргу потоа пристигнала и полицијата, како и брзата помош која го одведе крадецот.