Тим Харис е првиот сопственик на ресторан, наречен „Tim’s Place“ во Албакерки, Њу Мексико, со Даунов синдром. Неговата желба за ресторан се појавила кога има 14 години и успеал да ја исполни.
Харис кога служи појадоци, служи и прегратки, поради што неговите посетители се лојални. До сега тој гушнал 32,475 муштерии. Поради неговата харизма, вработените го обожаваат. Тој секој ден барем еднаш оди во кујната и на своите кувари им вели дека се „најдобри кувари на светот“.
Британскиот „HuffPost“ посочи уште неколку интересни работи за Харис. Тој секое утре танцува на паркингот пред својот ресторан, бидејќи е среќен и возбуден поради новиот ден. Покрај тоа, освоил и златни медали на Пара Олимпијадата, како и повеќе медали од Мајкл Фелпс.
Јасна Атанасова