Од Киев како победник на Песна на Евровизија си замина Португалија и извонредниот пејач Салвадор Собрал.
Неговата интерпретација на баладата Amar pelos dois (Љубов за двајца) што ја напиша неговата сестра, ја освои Европа.
Со гласови на жири од телевизиските центри и публиката ширум континентот, 27-годишниот Португалец однесе победа во главниот град на Украина. Тоа е прва победа на Португалија во 62-годишната историја на Песна на Евровизија. Собрал има проблеми со срцето и чека трансплантација.
На второ место беше претставникот од Бугарија,а трета Молдавија.
