Додека луѓето во Велика Британија се подготвуваа за дочекот на Новата година, на небото прелета мистериозен зелен објект, што предизвика реакции по социјалните мрежи.
Објектот исчезнал само по неколку секунди, а Меѓународната метеорска организација (ИМО) примила повеќе од 700 повици од луѓе кои виделе зелен блесок на небото во Англија и Шкотска.
Многу луѓе кои посведочиле на оваа необична појава своите видеа ги објавија на социјалните мрежи. Луѓето шпекулираа за што се работи, а ИМО соопшти дека станува збор за метеор кој изгорел во земјината атмосфера и се претворил во огнена топка.
– Една од последните огнени топки во 2017 година, но многу голема огнена топка, напишаа тие на Твитер.
Како што објави ИМО, на крајот на својот светлечки пат, метеорот се распаднал и исчезнал на 20 километри јужно од границата на Англија и Шкотска.