Над Хрватска претпладнево, метеор експлодираше при влез во Земјината атмосфера.
Зад него остави димна трага и делови распрскани ширум земјата.
Таа глетка ги вознемири граѓаните, зошто според Дамир Хржина, претставник на загрепската опсерваторија Ѕвездарница, татнежот се почувствувал на доста голема површина.
„Неколку луѓе ни се јавија дека го чуле ударот. Навистина, и мене ми се јави сопругата – го виде метеорот и токму при нашиот разговор, се слушна силен звук“, раскажува Хржина.
Iznad Hrvatske izgorio je meteor, pogledajte snimku pada.
Posted by Index.hr on Петок, 28 февруари 2020
Тој ги контактирал колегите од Хрватската метеорска мрежа која ги проверува податоците и можеби ќе почнат потрага по остатоците од вселенското тело.
Властите засега немаат никакви дојави за каква било штета или повредени поради експлозијата на метеорот.