Милијардерот Илон Маск одговори отворено и експлицитно на огласувачите кои се повлекуваат од мрежата X.
За време на самитот „2023 DealBook“ во Њујорк, милијардерот и сопственик на платформата X (поранешен Твитер) Илон Маск имаше прилично експлицитна порака до огласувачите, за кои тврди дека го уценуваат.
Во својот говор, Маск им се обрати на огласувачите кои ја напуштаат или планираат да ја бојкотираат платформата Х, велејќи: „Ако некој планира да ме уценува со рекламирање? Да ме уценуваат со пари? Одете еб*ете се! Тој додаде: „Не мора да се рекламирате“.
JUST IN: Elon Musk tells advertisers who are trying to blackmail him to "go fu*k yourself." pic.twitter.com/TOOsXok7HX
— Watcher.Guru (@WatcherGuru) November 29, 2023
Некои огласувачи почнаа да ја бојкотираат платформата X, поради антисемитските објави кои се споделуваат на интернет.
Маск, исто така, предложи неговите обожаватели, како оние на Х, да ги бојкотираат тие огласувачи. Во разговорот за време на самитот, Маск истакна дека „нема проблем да биде омразен“.
Во поново време, Маск го промовираше, а понекогаш и вербално го одобруваше она што Белата куќа го нарече „антисемитска и расистичка омраза“, на платформата X. Маск беше гласен во својата поддршка за слободата на говорот, и покрај некои ситуации кога корисниците и огласувачите го означуваа таквиот став како „говор на омраза“.
Компаниите како Дизни, Епл и други ги суспендираа своите рекламни кампањи на платформата Х.
Илон Маск, кој е и извршен директор на Tesla и SpaceX, негира дека е антисемитист. Тој рече на X: „Јасните повици за екстремно насилство се против нашите услови за користење и ќе резултираат со суспензија“.