Израелската крајно десна партија објави видео спот за изборна кампања во кој министерката за правда во елегантна облека се прска со парфем „Фашизам“, предизвикувајќи со тоа вистинска експлозија на социјалните мрежи.
Министерката Ајелет Шакед со контроверзната реклама се вклучи во онлајн изборната кампања. Политичките реклами на телевизија во Израел се дозволени само две недели во пресрет на изборите, на 9 април, па партиите и кандидатите се насочија кон интернетот.
Агенциите пренесуваат дека рекламата на големо потсетува на сатиричен скеч на глумицата Скарлет Јохансен од 2017 годинаво популарното шоу „Сатурдеј Најт Лајв“ кога ја глумеше Иванка Трамп, која рекламира парфем „Комплицит“.
Рекламата на министерката Шакед, привлече големо внимание и досега е прегледано неколку стотина илјади пати.