Алехандро Саломондрин е светски познат јутјубер кого го следат повеќе од еден и пол милион луѓе. Познат е по својата ергела суперавтомобили, во која се Porsche Carrera GT, Rolls-Royce Phantom, McLaren 720S и слични автомобили.
Неодамна тој стана сопственик на лимитираниот „мекларен Сена“, но, за жал, само две недели по преземањето, автомобилот го зафати пожар во кој изгореа задниот дел и внатрешноста. Сè уште не е познато како се случил пожарот, но Саломондрин тврди дека немал несреќа со него.
Фотографиите, исто така, покажуваат дека автомобилот пред пожарот не бил оштетен, па сега инженери на британската автокомпанија се задолжени да ја откријат причината за пожарот.
Имено, однесувањето на Саломондрин создава мистериозност. Многумина кои се обиделе да разговараат со него за состојбата на автомобилот се блокирани, а на неговите социјални мрежи беше објавена само една фотографија. Саломондрин го обвини на Инстаграм полицаецот кој објави фотографии од автомобилот на местото на несреќата.