Чешкиот филм „Алоис Небел“ е избран за најдобар европски анимиран филм годинава, јави дописникот на МИА од Прага.
Европската филмска награда, црно белиот филм на режисерот Томаш Луњак, кој е создаден како комбинација на игран и цртан филм ја освои во Валета на Малта.
– Пресреќни сме. Јас сум задоволен и наградата покажува оти филмот го разбираат на вистинскиот начин во странство, изјави сценаристот Јарослав Рудиш.
Херојот на филмот е диспечерот Небел, тивок осаменик кој преку социјалистичката сегашност ја раскажува приказната за одмазда и солидарност во местото Јесеник каде живееле судетски Германци кои се протерани од Чешка по Втората светска војна.