Џони Деп даде изјава за неговата бурна врска со Амбер Херд и судењето кое со месеци ги полни насловните страници низ целиот свет.
Во интервју за „The Sunday Times“, тој отворено зборуваше за причините зошто решил да ја презентира својата страна од приказната.
„Видете, отиде предалеку. Знаев дека ќе морам делумно да се оголам. Сите велеа: „Ќе помине!“ Но, не можев да поверувам. Што точно ќе помине? Не, нема да помине“, рече Деп.
„Ако не се обидам да ја презентирам вистината, ќе изгледа како навистина да сум ги извршил делата за кои сум обвинет. И моите деца ќе мора да живеат со тоа. Нивните деца. Децата што ги запознав во болниците. Затоа не се чувствував нервозно ноќта пред судењето во Вирџинија. Ако не мора да го запомните текстот, ако само ја кажувате вистината – фрлајте ги коцките“, додаде тој.
Деп продолжи: „Знаев дека ништо од тоа нема да биде лесно, но не ми беше гајле. Ќе се борам до крај. А ако на крајот завршам да точам гориво? Во ред. Го имам правено тоа и претходно“, заклучи тој за судењето.
Актерот, исто така, се осврна на својата врска со Амбер Херд: „Ако си будала како мене, понекогаш гледаш во нечии очи и гледаш малку тага, малку осаменост – и мислиш дека можеш да ѝ помогнеш на таа личност“, рече тој.
„Но, ниедно добро дело не останува неказнето, бидејќи има луѓе кои, кога се обидуваш да ги сакаш и да им помогнеш, почнуваат да ти покажуваат каква всушност била таа непријатност, таа вознемиреност што ја гледаше во нивните очи. Потоа почнува да се покажува на други начини.“
Џони Деп и Амбер Херд се запознаа во 2009 година на снимањето на филм, а нивната врска започна кон крајот на 2011 година или почетокот на 2012 година. Се свршија во јануари 2014 година и се венчаа во февруари 2015 година. Се разведоа во 2016 година, но вистинската драма започна дури тогаш.
Откако Херд напиша колумна за „Вашингтон пост“ во 2018 година во која се претстави како жртва на семејно насилство, Деп ја тужеше за клевета во 2019 година, иако не беше директно именуван во статијата. Тој тврдеше дека нејзините обвинувања се „категорично и докажано лажни“.
Потоа Херд возврати со контратужба од 100 милиони долари. Судењето се одржа во 2022 година и заврши со пресуда на поротата во корист на Деп – доделувајќи му 10,35 милиони долари отштета, додека Херд доби 2 милиони долари за една од нејзините контратужби.