Деветнаесетгодишната Ева Алексовска која што боледува од анорексија и булимија во емисијата на Агнеса Органџиева која што се емитува секоја среда на A1on на YouTube, одлучи да говори јавно за тешките искушенија што ги има. Причината на гостувањето е отварање на свеста на младината која што поминува низ истото, а немаат храброст да си признаат или да побараат помош.
– Прифатете ја вистина на време додека не е доцна и да не дојдете до овој степен каде што сум јас, е пораката на Ева. Таа боледува од нејзината дванаесетта година, почеток на пубертетот каде што започнува и оваа болест. Наметнати комплески од училиште, одбивноста себеси да се погледне во огледало, чуство на омраза што постои како живо битие, се дел од причините младата Ева да се откажува од храна. Тука започнува нејзината менталната борба помеѓу мозокот и стомакот до степен на самоповредување. Таа се казнува самата себеси со сечење на раката со нож за да осети болка како казна.