Стресот предизвикан поради страв од губење на работата може да доведе до зголемување на ризикот за астма, пишува „Journal of Epidemiology & Community Health“.
Во новото истражување се користени податоци собрани во Германија меѓу 2009 и 2011 година од околу 7.000 вработени лица.
Се покажало дека на секои 25 отсто зголемено ниво на стрес, поврзан со страв од губење на работата, ризикот за астма расте просечно за 24 отсто.
Ризикот за астма бил просечно дури 60 отсто поголем кај испитаници кои очекувале дека ќе добијат отказ.
Кај тие испитаници е воочен и поголем ризик од депресија.
Наодите на некои студии веќе укажаа на зголемување на бројот на случаи на астма кај возрасни во време на економска рецесија.