Марија Шерифовиќ се најде меѓу членовите на делегацијата на Србија на овогодинешниот „Евросонг“.
На конференцијата за новинарите таа ги навредила бидејќи се изнервирала од прашањата што ги поставувале.
Кога ги прашале претставниците на Србија на „Евросонгот“ кој им ги изработувал костимите и зошто одговорното лице не е веднаш испратено дома, пејачката Марија Шерифовиќ и поранешна победничка на „Евровизија“ бурно реагирала, пишува српски Kurir.
– Погледнете се Вие како изгледате – рекла Марија. Ова било сосема доволно да ги изнервира новинарите кои негодувале поради нејзиното дрско однесување.
Марија Шерифовиќ ја следела и втората вечер на „Евросонгот“, односно полуфиналето.
Таа не можела да одолее, а да не ги искоментира претставниците на Албанија Адријан Љуљѓурај и Бледар Сејк кои ја пееле песната „Идентитет“ пишувајќи го на Твитер.