Во германскиот град Олденбург, еден маж се обидел да ограби бензинската пумпа заканувајќи му се на продавачот со нож, јави MSNNow. Продавачот не се уплашил и земал палка за да го избрка крадецот.
Двајцата мажи почнале физичка пресметка, при што на ограбувачот му паднал ножот од рака и заработил неколку удари со палката.
И потоа дојде до пресврт. Ограбувачот престанал да дава отпор и наеднаш почнал да плаче на рамото на продавачот. Потоа седнал на страна и мирно го чекал доаѓањето на полицијата, а продавачот во еден момент му дал хартиено марамче, за ограбувачот – покајник да си ги избрише солзите.