На височина од две илјади метри на романската планина Фагараш е изградена црква од мраз, до која може да се дојде со жичарница.
Структурата е висока шест, а долга 14 метри и е копија на стара црква во Трансилванија.
Блоковите од мраз се земени од езерото Балеа, а по осветувањето се искористени за изградба на црквата.
Градбата се прави секоја зима изминатите неколку години и се користи за крштевање и венчавки. Во неа е прикажана тајната вечера изрезбана во мраз, а на покривот има традиционална форма на крст.
Минатата недела верниците присуствувале на службата, која во оваа црква ја одржале православни, католички и протестантски свештеници.