Се додека децата веруват во Дедо Мраз дозволете им да живеат со таа магија, советува српскиот психолог Весна Петровиќ.
Тоа го објаснува со корисниот и природниот начин на кој детето размислува, а при тоа ја развива креативноста, фантазијата и се труди да биде подобра личност.
– Погрешно е кога возрасните со сила ги разубедуваат децата во врска со Дедо Мраз, затоа што така им се урива светот, во кој тие се чувствуваат сигурно и среќно, тврди соговорничка на „Живот плус“.
– Пуштете ги да му пишуваат писма ако сакаат, да му се радуваат и да се трудат поради него да бидат подобри и поправедни. Децата кои никогаш не верувале во оваа маѓија, подоцна имаат аверзија кон празниците, додава таа.
Петровиќ ги советува родителите да им кажат на децата дека Дедо Мраз ќе ги награди ако бидат добри кон другарчињата, ако ги слушаат мајките и татковците, ако ги почитуваат наставничките. Тоа може да се „искористи“ како можност на децата да им се всадат позитивни вредности.
До кога ќе верува во Дедо Мраз зависи од детето, но најчесто во прво, второ одделение од основното училиште децата сфаќаат дека овој чичко поточно не е вистински. Најдобро е тоа да го заклучат самите, а не на груб начин тоа им го соопштат другарите или постариот брат или сестра.
– За предучилишните деца е подобро да веруваат во светот на магијата и фантазијиата, а со Дедо Мраз тоа им е гарантирано, вели таа.