Провевот може да биде причина за воспаление на синуси, кое често се јавува во лето и го попречува уживањето во сончевите денови.
Освен провевот, голем проблем претставуваат и клима уредите, кои често немаат правилно подесена температура, па доведуваат до нагло ладење на телото, летна настинка, воспаление на синуси…
Воспалението на синуси го карактеризира засилено течење од носот, отежнато дишење на нос, привремено губење на чувството за мирис, главоболка, општа слабост на организмот.
Една од основните препораки за да се избегне воспаление на синуси во текот на летото е да се внимава на која температура е подесен клима уредот, при што оптимална препорачлива температура е 22 степени целзиусови.
Разликата меѓу температурата во просторијата и надворешната температура не би требало да биде поголема од пет степени.