Промени на Евровизија – се воведува онлајн гласање

Од:

Европската радиодифузна унија соопшти дека од следниот „Песна на Евровизија“ ќе се менуваат правилата за гласање на натпреварот. Главна новина е воведувањето на онлајн гласањето, но и тоа што во полуфиналето гласа само публиката.

dobivaj vesti na viber

Главната промена се однесува на полуфиналните вечери. Имено, од следната година десетте најдобри песни ќе се избираат исклучиво врз основа на гласовите на публиката, наместо претходното комбинирано гласање на гледачи и стручно жири, кое беше воведено во 2009 година. Дополнително, за прв пат во историјата на натпреварот ќе биде овозможено и онлајн гласање за гледачите во земјите кои не учествуваат на Евровизија.

Нивните гласови ќе бидат преброени и ќе бидат претставени како гласови на една земја и во полуфиналето и во финалето. Гледачите во земјите кои не учествуваат ќе можат да гласаат преку онлајн платформа, користејќи ја нивната платежна картичка, за која ЕБУ вели дека е безбедна платформа.

Членови на стручни жирија од сите земји учеснички ќе ги оценуваат песните во финалето на „Песна на Евровизија“.

Следната година Евросонг ќе се одржи во Велика Британија, која ја презеде организацијата на натпреварот наместо годинешниот победник Украина, поради безбедносната ситуација во таа земја.

Би можело да ве интересира

Македонија нема да учествува на „Евровизија 2023“

Ана Ололовска

Ливерпул ќе биде домаќин на Евровизија следната година

Катерина Павлова-Николовска

Евровизија 2023 нема да се одржи во Украина, Велика Британија може да биде домаќин

А1он

„Калуш оркестар“ го продадоа евровизискиот трофеј за да соберат пари за украинската армија

Ана Ололовска

Нов скандал за мамење на Евровизија, Романија тврди: Не и дадовме 12 поени на Украина!

Ана Ололовска

Реакција на Русија за победа на Украина на Евросонг

Катерина Павлова-Николовска