Детското драмско студио при Националаната установа Центар за култура „Бели мугри“ од Кочани премиерно ја изведе претставата под наслов „Снежана и Дедо Мраз“ на текст од Слободан Вукановиќ, а во режија на Силвана Јаневска.
-Се работи за целосно продукциско остварување на нашиот Центар за култура како програмска активност за оваа година. Оваа претстава која е наменета за деца е трета премиерна претстава за годинава со членовите на детското студио и театарот, истакна Коце Стојменов, директорт на Центарот за култура во Кочани.
Во претставата настапуваат десетина членови на детското драмско студио при Центарот. Костимографијата е на Александра Димитрова а сонговите и музиката ги напиша Благој Николов. Претставата „Снежана и Дедо Мраз“ во наредните денови ке ја проследат учениците од кочанските основни училишта и детските градинки.