Иако јаболкото не може да излечи ниедна болест, нивното секојдневно конзумирање може да ја спречи појавата на многу здравствени проблеми.
Јаболкото е вистинска ризница на состојки кои позитивно влијаат на нашиот огранизам, диеталните влакна, витамините C, A, E, B1, B2, B6, бета-каротенот, минералите, калиум, калциум фосфор, магнезиум и железо.
Благодарејќи на големиот процент јаглени хидрати, особено на фруктозата и глукозата, јаболкото го снабдува огранизмот со енергија, го спречува уморот и губењето на концентрација.
Бидејќи нема маснотии, а содржи до 90% вода, јаболкото успешно ја гаси жедта и освежува по напорен тренинг. Во него се крие и серотонинот, па зголемувањето на расположението е поуспешно дури и од јадењето на чоколадо.
Доколку сакате сок од јаболка, правете го со кората, затоа што во неа се наоѓа витаминот A. Пожелно е да се пие сокот чист без додавање шекер. Заедно со млеко и мед е одличен за нервниот систем бидејќи го смирува.
Исто така сокот од јаболка го намалува ризикот од добивање срцеви болести, ризикот од појава на астма и болести на бубрезите и црниот дроб. Благодарејќи на калиумот кој го поттикнува исфрлањето на вишокот течности во организмот, поради кој е одличен за слабеење.
Одличен е и за лицата кои боледуваат од артртис и реума, ги подобрува функциите на цревата, го подобрува варењето и ги елиминира штетните материи од организмот, а содржи и антиоксиданти.