На 7 јануари Божиќ слават припадниците на црквите кои се водат според јулијанскиот календар. Меѓу нив е и Македонската православна црква. Дел од православните христијани слават според грегоријанскиот календар.
Меѓу славните личности кои слават два Божиќа или само на 7 јануари се:
Ким Кардашијан, која има ерменско потекло, слави и на 7 јануари, но и на 25 декември, со оглед дека со семејството живеат во САД. Џенифер Анистон е уште една позната личност која слави на денешен датум. Таа има грчко потекло и иако денес Грчката црква слави Божиќ на 25 декември, се уште има припадници кои го следат јулијанскиот календар.
Том Хенкс го прифати православното христијанство благодарение на сопругата Рита Вилсон. Вилсон е ќерка на мајка од Грција и татко муслиман од Бугарија кој го прифатил православието.
Моделот Наоми Кемпбел исто така слави според православните обичаи бидејќи го има прифатено православното христијанство. Слично и фронтменот на Депеш Мод, Дејв Гејан, го прифатил православието од својата сопруга.
Актерот Кристијан Бејл исто така припаѓа на православното христијанство, додека пак во домот на Ана Ивановиќ и Бастијан Швајнштајгер се слават двата датума.