Во Дубаи наскоро почнуваат работите за изградба на Таџ Арабија, грандиозна реплика на индискиот Таџ Махал.
Изградбата треба да почне во јуни, откако се добиени сите потребни дозволи.
Градбата ќе претставува луксузен хотел со пет ѕвезди и 400 соби, а ќе биде наменета и за спектакуларни и големи свадби.
Објектот ќе има бутици и златари, како и банкет сала, која може да прими три илјади луѓе. Таџ Арабија ќе биде три пати поголем од Таџ Махал во Индија, а ќе има и големи градини со водени каскади.
Планирано е изградбата да биде завршена веќе следната година.