Почина новинарот, водител и естрадно лице, Зоран Василевски, познат како Зоки Фаци. Тој подолго време се бореше со карцином. Веста ја соопшти неговиот близок пријател Стефан Лазаров.
За жал ова утро во 6:40 почина Зоран Василевски. По долга борба со ракот тој не успеа. Македонија изгуби новинар, другар, човек кој знаеше да помага на сите, објави Лазаров.
„Сочувство до фамилијата и блиските. Погребот ќе биде утре, а каде и кога ќе ве известам.
Те сакам пријателе, секогаш ќе се сеќавам на тебе и на твојата насмевка. Многу ќе ми фалиш“, објави тој.
За Василевски беа потребни средства за лекување, беше организирана и акција, по што беа собрани парите.